Ae ! Aashiqo Yeh Dhoom Machane ki Raat hai,
Jashn-e-Habib-e-Pak Manane ki Raat hai.
Duniya ki Zulmato ko Mitane ki Raat hai,
Noor-e-Habib-e-Khaas ke Aane ki Raat hai.
Aayi Nida Yeh Arsh se Jibrael Aaj toh,
Sab Jannato ko Khaas Sajane ki Raat hai.
Rehmat ke Phool Barsenge Abr-e-Karam ke Sath,
Fazle Khuda ke Bantne ki Raat hai.
Ae ! Talibo Jo Mangna Chaho Woh Maang lo,
Kion ki Yeh Khaas Neymatein paane ki Raat hai.
AUSAAF Aaj Mdhey Habib-e-Khuda karo,
Kion ki Yeh Naat-e-Pak Sunane ki Raat hai.
Padho Khub Jhoom kr Tum Darud-O-Salaam Aaj,
Kion ki Yeh Didar-e-Habib-e-Khuda ki Raat hai.
